重溫梁送風的播音

朋友首先望你唔好見怪，點解我咁講呢，梗係有原因喇。
梁送風先生係香港出生，係正式既香港人，青年時自學成材，醉心廣播工作，後適逢際會來澳從事播音事業。
以前我聽澳門資深既老前輩講，舊日內地係解放前後期，好多有文化既知識分子湧進香港生活定居，致令香港人才輩出。雖然澳門綠村電台係澳門名人羅保先生所創辦，但其實本澳並無任何出色既廣播人材，知名既播音員全部都係來自香港既。
梁送風先生雖然係澳門從事播音工作經年，係港澳均深入民心，但係前輩口中得知，佢從未對人提過佢係屬於澳門廣播界既人。原因就係被昔日澳門街黃賭毒既盛名所累，係香港過江來澳搵食既有識之士，多數不願與澳門扯上關係，呢點正正就係舊日人們所講大香港，小澳門既心態。所以係呢度我敢大膽講，梁送風先生其實係屬於香港廣播界既人喇。
以下就係轉載自梁送風先生既著作：
梁送風自傳 [ 詩情畫意 ]之 少年的我
少年的我香港人，半工半讀日夜勤。
初為工廠製造罐，繼而轉入醫務群。
工餘醉心學播音，錄音器材不易尋。
竟然妙想欲天開，利用“診筒”作練音。
世上絕無難倒事，只要堅定立志心。
終於練成人聲眾，四男三女二小童。

梁送風諧劇最有印象,佢係澳門播音界唯一能扮演不同角色人物聲音既廣播演員,佢同香港鄧寄塵先生一樣出色.鄧寄塵於香港麗的呼聲,梁送風則於澳門綠村電台也！

佢仲有個名叫江龍,係綠村講武俠小說.

當時名為"技擊小說", 播出時間應在黃昏六時半左右, 我記得一聽完便可以食晚飯了.

（本文轉載於  www.818bbs.net  八角亭討論區 - 老餅話當年）